როგორ უნდა შეიძინოთ ბინა „მაქრო სითი თბილისში" – ნაბიჯ-ნაბიჯ გზამკვლევი

რომელი ტიპის ბინა აირჩიოს მყიდველმა, რა დოკუმენტაციაა საჭირო, რით განსხვავდება გადახდის შვიდი გეგმა ერთმანეთისგან და რა ეტაპებისგან შედგება ხელშეკრულების გაფორმება? ეს სწორედ ის კითხვებია, რომლებიც „მაქრო სითი თბილისით" დაინტერესებულ ადამიანებს ყველაზე ხშირად უჩნდებათ. 

ამ კითხვებზე პასუხის გასაცემად, მოცემულ ბლოგში თანმიმდევრულად არის აღწერილი თითოეული ეტაპი, რომელიც ბინის შერჩევიდან საკუთრების რეგისტრაციამდე საკითხებს მოიცავს.

მიზნის განსაზღვრა – საცხოვრებელი ბინა თუ საინვესტიციო უძრავი ქონება?

ბინის ტიპის შერჩევა დამოკიდებულია მის კონკრეტულ დანიშნულებაზე. საცხოვრებელი მიზნებისთვის, როგორც წესი, ოპტიმალურია ორი ან სამი საძინებელი. ინვესტირებისთვის კი გაქირავების ბაზარზე ყველაზე მოთხოვნადი ერთსაძინებლიანი ბინაა.

„მაქრო სითი თბილისში“ სამი ტიპის ბინაა წარმოდგენილი. ერთსაძინებლიანი ბინების ფართობი 46-დან 57 კვ.მ-მდეა, ორსაძინებლიანის შემთხვევაში ეს მაჩვენებელი 66-დან 85 კვ.მ-ს შეადგენს, ხოლო სამსაძინებლიანი ფართები 101-დან 163 კვ.მ-მდე ნაწილდება. აღსანიშნავია, რომ ორ და სამსაძინებლიან ბინებში მობინადრეებს სამზარეულოს ტიპის არჩევის შესაძლებლობა აქვთ: დაგეგმარება შეიძლება იყოს სტუდიოს ტიპის (მისაღებთან გაერთიანებული) ან გაცალკევებული, ინდივიდუალური სამზარეულოთი. სტანდარტული ბინების გარდა, პროექტი მოიცავს ტერასული ტიპის აპარტამენტებსა და ბინებს საკუთარი ეზოთი.

ერთსაძინებლიანი ბინები ფუნქციური დაგეგმარებით გამოირჩევა. შედარებით დაბალი საწყისი ღირებულება ინვესტორებისთვის ხელსაყრელ პირობებს ქმნის, განსაკუთრებით გაქირავების ბაზარზე, სადაც მსგავს ფართებზე მოთხოვნა სტაბილურად მაღალია. 

ორ და სამსაძინებლიანი ბინები ძირითადად ხანგრძლივ საცხოვრებელ მიზნებზეა გათვლილი. მსგავს ფართებს ხშირად ოჯახები ირჩევენ, რადგან აქ მთავარი აქცენტი სიმყუდროვესა და კომფორტზე კეთდება. 

როგორ მდგომარეობაში ბარდება ბინა მფლობელს?

„მაქრო სითი თბილისის“ ბინები სრული რემონტით ბარდება. ეს იმას ნიშნავს, რომ მყიდველი დასრულებულ საცხოვრებელს იღებს, სადაც დამატებითი სარემონტო სამუშაოების საჭიროება აღარ არსებობს.

ბინებში იატაკის გათბობასთან ერთად ლამინატი დაიგება, კედლები შეიღებება და ელექტროგაყვანილობაც მოეწყობა. სამზარეულო სრულად აღიჭურვება, რაც ავეჯთან ერთად ქურას, ღუმელსა და გამწოვსაც მოიცავს. სველი წერტილი კი კერამიკული ფილებით მოპირკეთდება, სადაც ნიჟარა, უნიტაზი, სარკე, კარადა და საშრობი უკვე დამონტაჟებული იქნება.

უძრავი ქონების შეძენისთვის საჭირო დოკუმენტაცია

საცხოვრებელ კომპლექსში ბინის შეძენამდე მიზანშეწონილია იმ დოკუმენტაციის წინასწარ შეგროვება, რომელიც ამ პროცესისთვისაა აუცილებელი. პროცედურა შედარებით მარტივია, თუმცა დეტალები შემძენის სტატუსის მიხედვით განსხვავდება.

ფიზიკური პირისთვის აუცილებელია პირადობის დამადასტურებელი დოკუმენტი. ბინის იურიდიული პირის სახელით შეძენის შემთხვევაში საჭიროა პარტნიორთა კრების ოქმის წარდგენა, გარდა იმ შემთხვევისა, როდესაც წესდება სხვაგვარ წესს ადგენს.

ქონების შეძენა მინდობილობითაცაა შესაძლებელი იმ პირობით, რომ დოკუმენტში მითითებული იქნება უძრავი ნივთის ყიდვის უფლებამოსილება. ბინის არასრულწლოვანის სახელზე რეგისტრაციისთვის კი კანონიერი წარმომადგენლის ხელმოწერაა საჭირო.

აღსანიშნავია, რომ უცხო ქვეყნის მოქალაქეებზე შეზღუდვა არ ვრცელდება. მათთვის ბინის შეძენა იმავე პირობებით ხდება, რომლებიც საქართველოს მოქალაქეებისთვის მოქმედებს.

გადახდის გეგმის შერჩევა

„მაქრო სითი თბილისში“ ბინის შეძენა შიდა უპროცენტო განვადებითა და ერთჯერადი გადახდით არის შესაძლებელი. განვადება მორგებულია მშენებლობის ვადაზე და ბანკის მონაწილეობას არ მოითხოვს, რადგან მყიდველი ღირებულებას კომპანიას წინასწარ შეთანხმებული განრიგით უხდის.

კომპანია მყიდველს შვიდ სხვადასხვა გეგმას სთავაზობს, რომლებიც ერთმანეთისგან პირველადი შენატანის მოცულობითა და ფასდაკლების ოდენობით განსხვავდება.

ყველაზე მოქნილად პირველი გეგმა მიიჩნევა, სადაც პირველადი შენატანი ბინის ღირებულების 10%-ს შეადგენს. მშენებლობის მიმდინარეობისას იფარება კიდევ 40%, ხოლო დარჩენილი 50% დასრულების ეტაპზე ნაწილდება. ეს სქემა განსაკუთრებით მოსახერხებელია მათთვის, ვისაც ერთჯერადად დიდი თანხის გადახდა არ სურს.

პირველადი შენატანის ზრდასთან ერთად იზრდება ფასდაკლების პროცენტიც. 20%-იანი შენატანის შემთხვევაში ფასდაკლება 5%-ია, 30%-იანი შენატანისას იგი 7.5%-ს შეადგენს, ხოლო 35%-ის შენატანის დროს 10%-ს აღწევს. 

სქემაში, სადაც პირველადი შენატანი 50%-ია და თანხის ძირითადი ნაწილი მშენებლობის პროცესში იფარება, ფასდაკლება 12.5%-ია. ბინის ღირებულების სრულად და ერთჯერადად გადახდის შემთხვევაში კი მოქმედებს მაქსიმალური, 15%-იანი ფასდაკლება.

ხელშეკრულების გაფორმება

გადახდის გეგმის შერჩევის შემდეგ ხელშეკრულების გაფორმების ეტაპი დგება. ეს პროცესი ორ საფეხურად მიმდინარეობს.

პირველ ეტაპზე მზადდება წინარე ნასყიდობის ხელშეკრულება, რომლის დისტანციურად გაფორმებაც შესაძლებელია. აღნიშნული დოკუმენტი მყიდველს საშუალებას აძლევს, დაჯავშნოს ბინა და დაიწყოს გადახდის პროცესი მანამ, სანამ ძირითადი ხელშეკრულების გაფორმების დრო დადგება. წინარე ხელშეკრულება საჯარო რეესტრში არ რეგისტრირდება.

ძირითადი ნასყიდობის ხელშეკრულება საჯარო რეესტრში ფორმდება. ქონების საკუთრებაში გადაცემა ობიექტის ექსპლუატაციაში მიღების შემდეგ ხდება. პირველი ეტაპის მშენებლობა 2028 წლის ივნისში სრულდება, მეორე ეტაპის დასრულება კი 2029 წლის ივნისშია დაგეგმილი, ხოლო ექსპლუატაციაში შესვლა მშენებლობის დასრულებიდან 6 თვეში მოხდება.

ხელშეკრულებაში დეტალურადაა გაწერილი ორივე მხარის ვალდებულებები. კომპანია იღებს პასუხისმგებლობას მშენებლობის ვადასა და ხარისხზე, ხოლო მყიდველი პასუხისმგებელია გადახდის გრაფიკის დაცვაზე. იმ შემთხვევაში, თუ მშენებლობა დროულად არ დასრულდება, ხელშეკრულებით პირგასამტეხლოა გათვალისწინებული. ეს უზრუნველყოფს მყიდველის ინტერესების დაცვას, განსაკუთრებით კი იმ ფონზე, რომ კომპლექსის უნიკალური მდებარეობა და ბინები მეტროსთან ახლოს კიდევ უფრო მეტ მიმზიდველობას სძენს მას.

რა უნდა იცოდეს მყიდველმა შეძენის შემდეგ?

მშენებლობის პროცესში ბინის მესამე პირზე გასხვისება მხოლოდ კომპანიის თანხმობითაა დასაშვები. რეალიზაციის შემთხვევაში გასათვალისწინებელია საგადასახადო ვალდებულება: თუ საცხოვრებელი ბინა შეძენიდან 2 წლის განმავლობაში გაიყიდება, მოგების გადასახადი 5%-ს შეადგენს, ხოლო სასტუმროს ტიპის ბინისთვის იგი 20%-ია.

მყიდველის მხრიდან ხელშეკრულების შეწყვეტის შემთხვევაში მას 12.5%-ის ოდენობის საკომისიო ეკისრება. დარჩენილი თანხა მყიდველს ერთი თვის ვადაში უბრუნდება.

„მაქრო სითი თბილისში“ ბინის შეძენა გამჭვირვალე და თანმიმდევრული პროცესია. დაგვიკავშირდით, კომპანია მზად არის, დაინტერესებულ პირებს პროექტის დეტალების შესახებ ინფორმაცია მიაწოდოს და შერჩევის ყველა ეტაპზე მხარდაჭერა შესთავაზოს.