48-დან 58 კვ.მ-მდე ფართობის ბინები პრაქტიკული დაგეგმარებით გამოირჩევა, სადაც სივრცე ეფექტურადაა გადანაწილებული. მცირე კვადრატულობის მიუხედავად, საძინებელი, მისაღები და სამზარეულო ისეა განლაგებული, რომ ცხოვრებისთვის საჭირო ყველა პირობა დაცული იყოს.

ამ სეგმენტის ბინები მოთხოვნადია იმ ახალგაზრდებში, რომლებსაც სურთ, რომ დამოუკიდებელი ცხოვრება მინიმალური კაპიტალით დაიწყონ. ასევე, მსგავსი ტიპის ბინა გონივრული არჩევანია მათთვის, ვინც დედაქალაქში უძრავ ქონებას საინვესტიციო მიზნით ეძებს.

იმ ოჯახებისთვის, რომლებშიც ორზე მეტი წევრია, კარგი არჩევანია 67-დან 86 კვ.მ-მდე ფართობის ბინები. აქ ორი იზოლირებული საძინებელი და ფართო მისაღები ოთახია, რაც სივრცის მრავალმხრივი გამოყენების შესაძლებლობას იძლევა.

დამატებითი ოთახი ფუნქციურია და ოჯახის საჭიროების მიხედვით შეიძლება მოეწყოს როგორც საბავშვო, ისე სამუშაო კაბინეტი ან სასტუმრო ოთახი. ეს მოქნილობა საშუალებას აძლევს ოჯახს, ცხოვრების სტილის ცვლილებასთან ერთად, საცხოვრებელი გარემოც მარტივად მოირგოს.

დიდი ოჯახებისთვის პროექტში გათვალისწინებულია 101-დან 163 კვ.მ-მდე ბინები. სამი დამოუკიდებელი საძინებელი ოჯახის ყველა წევრს პერსონალური სივრცის მოწყობის შესაძლებლობას მისცემს, ხოლო დიდი მისაღები ოჯახური შეკრებებისთვის იქნება კომფორტული.

მსგავსი დაგეგმარება იდეალურია როგორც მრავალშვილიანი ოჯახებისთვის, ისე იმ შემთხვევებისთვის, როცა რამდენიმე თაობა ერთად ცხოვრობს.

ჯანსაღი ცხოვრების წესის ხელშესაწყობად კომპლექსში ოთხი საცურაო აუზი, ჩოგბურთის სამი კორტი და კალათბურთის ორი მოედანი მოეწყობა. სირბილისა და ველოსიპედის მოყვარულთათვის 1 687 კვ.მ-ია გამოყოფილი, ფიტნეს სივრცეები კი 1 120 კვ.მ-ს მოიცავს. 3 536 კვ.მ-ზე განთავსდება საბავშვო ბაღი და სათამაშო მოედნები.

„მაქრო სითი თბილისში“ აშენდება 240 ნომრიანი სასტუმრო Mövenpick, რომელიც შვეიცარიული სტანდარტის მომსახურებას შესთავაზებს როგორც სტუმრებს, ისე მაცხოვრებლებს. სასტუმროს ინფრასტრუქტურა, რესტორანი, კაფე და სპა ცენტრი, ხელმისაწვდომი იქნება ყველასთვის. გარდა ამისა, საცხოვრებელი კომპლექსის ტერიტორიაზე გათვალისწინებულია 8 547 კვ.მ კომერციული და 5 441 კვ.მ საოფისე ფართები.