ჯანსაღი ცხოვრების წესი: სირბილი, ცურვა და ჩოგბურთი თქვენსავე საცხოვრებელ კომპლექსში

სირბილი, ცურვა და ჩოგბურთი ჯანსაღი ცხოვრების განუყოფელ ნაწილად მიიჩნევა და ბევრი ადამიანის გატაცებაა. თუმცა, ამ აქტივობების რეგულარულად შესასრულებლად ხშირად გადამწყვეტი მნიშვნელობა დროსა და გადაადგილების სიმარტივეს ენიჭება – იგულისხმება სპორტდარბაზამდე, აუზამდე თუ კორტებამდე მისასვლელად და უკან დასაბრუნებლად საჭირო რესურსი.

ამიტომ, ,,მაქრო სითი თბილისის” საცხოვრებელ კომპლექსში ინტეგრირებული სპორტული ინფრასტრუქტურა, ცალსახად, დიდი უპირატესობაა, რადგან ფიზიკური აქტივობა აღარ მოითხოვს დამატებით დაგეგმვას, გადაადგილებას ან გზაში დროის ფუჭად დაკარგვას.

სარბენი და ველობილიკები

სირბილი ერთ-ერთი ყველაზე მარტივი და ხელმისაწვდომი ფიზიკური აქტივობაა, რადგან ის არ საჭიროებს სპეციალურ აღჭურვილობას, მწვრთნელს ან მკაცრად გაწერილ განრიგს. ამისთვის მხოლოდ შესაფერისი სივრცე და მოტივაციაა საჭირო. თუმცა ქალაქში სარბენი სივრცის პოვნა ყოველთვის მარტივი არ არის. ტროტუარები ხშირად გადატვირთულია, ხოლო ავტომობილების ნაკადის სიახლოვეს სირბილი არც კომფორტულია და არც უსაფრთხო.

„მაქრო სითი თბილისის“ ტერიტორიაზე ეს გამოწვევა სპეციალურად გამოყოფილი ველო და სარბენი ბილიკებით გვარდება, რომელთა ჯამური ფართობი 1 687 კვ.მ-ს შეადგენს. ეს ბილიკები კომპლექსის რეკრეაციულ ზონაშია განთავსებული და ავტომობილების მოძრაობისგან სრულად იზოლირებულია. 

საცურაო აუზები

ცურვა იმ აქტივობათა რიცხვს მიეკუთვნება, რომლებიც ფიზიკურ დატვირთვასა და ენერგიის აღდგენას ერთდროულად მოიცავს. თუმცა, სირბილისგან განსხვავებით, ცურვა მეტადაა დამოკიდებული ინფრასტრუქტურაზე, რადგან აუზი უნდა იყოს ხელმისაწვდომი, რეგულარულად მოვლილი და სახლთან იმდენად ახლოს, რომ იქ მისვლა განსაკუთრებულ ძალისხმევას არ მოითხოვდეს.

„მაქრო სითი თბილისის“ პროექტში ოთხი საცურაო აუზია გათვალისწინებული. 4 000 ბინიანი კომპლექსისთვის აუზების რაოდენობა და მათი განლაგება ისეა შერჩეული, რომ სხვადასხვა ბლოკის მობინადრეებმა აუზებამდე მისვლა ყოველთვის სწრაფად და მოხერხებულად შეძლონ.

ტენისის კორტები

ტენისი სპორტის იმ სახეობებს მიეკუთვნება, რომლებსაც ფიზიკურ დატვირთვასთან ერთად სოციალური დანიშნულებაც აქვს. კორტზე ადამიანები ერთმანეთს ხვდებიან, ეცნობიან და მუდმივ სათამაშო პარტნიორებს პოულობენ. ეს განსაკუთრებით მნიშვნელოვანია დიდ საცხოვრებელ კომპლექსებში, სადაც მეზობლებს შორის მჭიდრო კავშირის ჩამოყალიბება, შესაძლოა, გარკვეულ სირთულეებთან იყოს დაკავშირებული.

„მაქრო სითი თბილისის“ პროექტში სამი ტენისის კორტია დაგეგმილი. კომპლექსის მობინადრეებისთვის ეს იმას ნიშნავს, რომ სათამაშოდ ქალაქის სხვა ნაწილში წასვლა აღარ არის საჭირო, რადგან შესაბამისი ინფრასტრუქტურა სახლთან ძალიან ახლოს მდებარეობს. 

რეკრეაციული ზონები მთელი კომპლექსის მასშტაბით

სარბენი ბილიკები, აუზები და ტენისის კორტები მხოლოდ ნაწილია იმ მრავალფეროვანი სპორტული და რეკრეაციული ინფრასტრუქტურისა, რომელიც „მაქრო სითი თბილისში“ იქმნება. პროექტში გათვალისწინებულია კალათბურთის ორი მოედანი, 1 120 კვ.მ. ჯამური ფართობის ღია და დახურული ფიტნეს სივრცეები, ხოლო საბავშვო ბაღისა და სათამაშო მოედნების ფართობი 3 536 კვ.მ-ს შეადგენს.

მთლიანობაში, კომპლექსის 100 000 კვ.მ. ჯამური ფართობიდან რეკრეაციულ ზონას 45 169 კვ.მ. ეთმობა, რაც პროექტის თითქმის ნახევარია. ეს თანაფარდობა ნათლად ასახავს, რომ აქტიური ცხოვრების წესისთვის შესაფერისი გარემოს შექმნა პროექტის დაგეგმვის ეტაპიდანვე პრიორიტეტს წარმოადგენდა.

გარემო, რომელიც არჩევანს აადვილებს

ჯანსაღი ცხოვრების წესი ინდივიდუალური არჩევანია და ამას ყველა აღიარებს. თუმცა ხშირად ეს გადაწყვეტილება არა მოტივაციის ნაკლებობის, არამედ სათანადო პირობების არარსებობის გამო რთულდება. როცა აუზი, კორტი ან სარბენი ბილიკი სახლიდან რამდენიმე წუთის სავალზეა, ფიზიკური აქტივობის დაწყება გაცილებით მარტივია.

„მაქრო სითი თბილისის“ კონცეფცია სწორედ ამ იდეას ეფუძნება და ისეთი საცხოვრებელი გარემოს შექმნას ისახავს მიზნად, სადაც აქტიური ცხოვრება ყოველდღიურობის ბუნებრივი ნაწილია და არა დამატებითი საზრუნავი.