ქალაქის მჭიდროდ განაშენიანებულ უბნებში გამწვანებული სივრცეები მცირეა, თუმცა, ამავდროულად, მყიდველებისთვის ჯანსაღი და სასიამოვნო საცხოვრებელი გარემო ერთ-ერთი მნიშვნელოვანი ფაქტორია. კომპლექსის არჩევისას ისინი ბინის მახასიათებლებთან ერთად ეზოს გამწვანებასა და დასასვენებელი სივრცეების არსებობასაც აქცევენ ყურადღებას.

მომხმარებელთა ამ ინტერესს „მაქრო დეველოპმენტიც“ ითვალისწინებს და მწვანე კონცეფციაზე დაფუძნებულ ახალ საცხოვრებელ კომპლექსს თბილისში აშენებს. 

რას გულისხმობს მწვანე კონცეფცია საცხოვრებელ კომპლექსში?

XXI საუკუნეში, ქალაქების სწრაფი ზრდისა და მჭიდრო განაშენიანების გამო, საცხოვრებელი პროექტების დაგეგმვისას მხოლოდ კორპუსებისა და ბინების ეფექტურად დაპროექტება აღარ აღმოჩნდა საკმარისი. თანდათან მნიშვნელოვანი გახდა ისიც, როგორი იქნება ეზო, კომპლექსში რა ადგილი დაეთმობა გამწვანებულ, რეკრეაციულ და ღია სივრცეებს და რამდენად ენერგოეფექტური იქნება თავად შენობა. 

ამ ფონზე ჩამოყალიბდა ე.წ. მწვანე კონცეფცია, რომლის მიხედვითაც საცხოვრებელი კომპლექსის ტერიტორია თავიდანვე მობინადრეების კომფორტის გათვალისწინებით იგეგმება. პროექტირებისას წინასწარ განისაზღვრება გამწვანების ფართობი, დასასვენებელი და სპორტული ზონები, საფეხმავლო სივრცეები და კორპუსების განლაგება. ასე შენობებს შორის დარჩენილი ტერიტორია დასვენების, სეირნობისა და სხვადასხვა აქტივობისთვის გამოიყენება.

ეს კონცეფცია ავტომობილებისგან თავისუფალი ეზოს მოწყობასაც გულისხმობს. პარკირება უმეტესად მიწისქვეშ ან კომპლექსის პერიმეტრზეა მოწყობილი, შიდა ეზო კი ფეხით გადაადგილებისთვის, ველოსიპედით სეირნობისთვის, ბავშვების თამაშისა და დასვენებისთვის გამოიყენება. 

მწვანე კონცეფცია მხოლოდ ეზოს გამწვანებას არ გულისხმობს და შენობის ენერგოეფექტურობასაც მოიცავს. თბოიზოლირებული ფასადისა და ხარისხიანი კარ-ფანჯრის წყალობით ზამთარში შენობა ნაკლებ სითბოს კარგავს, ზაფხულში კი შიდა სივრცე შედარებით გრილი რჩება.

რატომ გახდა გამწვანებული გარემო თბილისში განსაკუთრებით მნიშვნელოვანი? 

ბოლო წლებში დედაქალაქი ძალიან სწრაფად გაშენდა, რამაც მწვანე ზონების შემცირება გამოიწვია. არსებული სტატისტიკით, თბილისში პარკებისა და სკვერების ფართობი ერთ სულ მოსახლეზე 3 კვადრატულ მეტრზე ნაკლებია. ჯანდაცვის მსოფლიო ორგანიზაციის რეკომენდაციით კი ეს მაჩვენებელი მინიმუმ 9 კვადრატული მეტრი უნდა იყოს. 

თბილისში ავტომობილების რაოდენობა წლიდან წლამდე იზრდება, ტრანსპორტი კი ჰაერის დაბინძურების ერთ-ერთი მთავარი წყაროა. ამის გამო ქალაქში ჰაერის ხარისხი კვლავ პრობლემად რჩება. ამ ფონზე მწვანე კონცეფციაზე დაფუძნებულ კომპლექსში მშენებარე ბინები იმ მყიდველების ყურადღებას იქცევს, ვისთვისაც ჯანსაღ გარემოში ცხოვრება მნიშვნელოვანია. ეს იმიტომ, რომ ხეები და მცენარეები მტვრის ნაწილაკებს აკავებს, ჰაერს ატენიანებს და ზაფხულის მცხუნვარე დღეებში გარემოს აგრილებს. 

როგორ აისახება მწვანე გარემო ცხოვრების ხარისხზე?

ბოლო წლებში ჩატარებული არაერთი კვლევა აჩვენებს, რომ მცენარეული საფარის სიმრავლე გავლენას ახდენს ძილის ხარისხზე, ემოციურ მდგომარეობასა და ყოველდღიურ ჩვევებზე.

ამ კავშირს კარგად აჩვენებს ავსტრალიაში ჩატარებული ფართომასშტაბიანი კვლევა. მისი შედეგების მიხედვით, იმ ადამიანებში, რომელთა საცხოვრებლის ირგვლივ ტერიტორიის სულ მცირე 30% გამწვანებულია, ძილის ქრონიკული ნაკლებობა დაახლოებით ⅓-ით უფრო იშვიათია. ამის ერთ-ერთი მიზეზი ისაა, რომ მცენარეული საფარი ამცირებს ხმაურს, ჰაერის დაბინძურებასა და ზაფხულის სიცხის ზემოქმედებას, ანუ იმ ფაქტორებს, რომლებიც მშვიდ ძილს ხელს უშლის.

მსგავსი გავლენა მენტალურ ჯანმრთელობაზეც იკვეთება. სამხრეთ კორეაში ქვეყნის მასშტაბით ჩატარებული გამოკითხვის ანალიზმა აჩვენა, რომ საცხოვრებლის ირგვლივ გამწვანების მატებასთან ერთად დეპრესიული სიმპტომების რისკი მცირდება. მკვლევრების შეფასებით, ბუნებრივ გარემოში ყოფნა სტრესის შემსუბუქებას უწყობს ხელს, ახლოს მდებარე მწვანე სივრცეები კი ადამიანებს უფრო ხშირად გასეირნებისა და ერთმანეთთან ურთიერთობისკენ უბიძგებს.  

გამწვანებული გარემო კონცენტრაციასაც აუმჯობესებს. ამის დასადასტურებლად ჰარვარდისა და ბოსტონის უნივერსიტეტების მკვლევრებმა 13 000-ზე მეტი მონაწილის მონაცემები შეისწავლეს და დაადგინეს, რომ გამწვანებულ უბნებში მცხოვრები ადამიანები ყურადღებისა და აზროვნების სისწრაფის ტესტებში უკეთეს შედეგებს აჩვენებდნენ. ეს სხვაობა კოგნიტური ასაკის დაახლოებით ერთი წლით შემცირებას შეესაბამებოდა. 

საინტერესოა ისიც, რომ მსგავსი შედეგი მჭიდროდ დასახლებულ უბნებშიც დაფიქსირდა. შესაბამისად, მწვანე გარემოს დადებითი გავლენა მხოლოდ ქალაქგარეთ ცხოვრებას არ უკავშირდება. ამიტომ ბინები თბილისში, რომლებსაც გამწვანებული ეზო აქვს, ცხოვრების ხარისხის თვალსაზრისით აშკარა უპირატესობით გამოირჩევა.

რატომ ინარჩუნებს ასეთი ბინა საინვესტიციო მიმზიდველობას გრძელვადიანად?

უძრავი ქონების ბაზარზე მოთხოვნა უფრო მაღალია იმ პროექტებზე, რომლებსაც მოვლილი ეზო, გამწვანებული რეკრეაციული სივრცეები და გამართული ინფრასტრუქტურა აქვს. ასეთი გარემო ბინის საინვესტიციო მიმზიდველობასაც ზრდის, რადგან მისი გაქირავება შედარებით მარტივია, ხოლო საჭიროების შემთხვევაში გაყიდვაც ნაკლებ სირთულეს უკავშირდება. 

ბინის საინვესტიციო პოტენციალზე განსაკუთრებულ გავლენას ენერგოეფექტურობა ახდენს. ასეთი შენობები საერთაშორისო სტანდარტებს შეესაბამება, ადამიანის ჯანმრთელობისთვის უსაფრთხოა და ფინანსური თვალსაზრისითაც ნაკლებხარჯიანია. 

მწვანე კონცეფცია „მაქრო სითი თბილისში“ 

გამწვანებული საცხოვრებელი გარემოს შექმნა „მაქრო დეველოპმენტის“ პროექტებისთვის ახალი მიმართულება არ არის. კომპანიას თბილისში უკვე დასრულებული აქვს „მწვანე ბუდაპეშტი“ და „მწვანე ალმასი“, სადაც მნიშვნელოვანი ადგილი ეზოს გამწვანებასა და რეკრეაციულ სივრცეებს დაეთმო. ამავე კონცეფციით შენდება „მაქრო სითი თბილისიც“, თუმცა გაცილებით მასშტაბურ ტერიტორიაზე. 

პროექტი ნოე რამიშვილის ქუჩაზე, 100 000 კვ.მ ტერიტორიაზე შენდება და ამ ფართობის თითქმის ნახევარი, 45 169 კვ.მ, რეკრეაციული ზონისთვის არის გამოყოფილი. ამ სივრცეში მოეწყობა:

• 1 687 კვ.მ ველო და სარბენი ბილიკები;
• ოთხი საცურაო აუზი;
• სამი ჩოგბურთის კორტი;
• ორი კალათბურთის მოედანი;
• ღია და დახურული ფიტნეს სივრცეები;
• საბავშვო ბაღი;
• სათამაშო მოედნები.

ასეთი ინფრასტრუქტურა კომპლექსის მობინადრეებისთვის ყოველდღიური დასვენების, სეირნობისა და ფიზიკური აქტივობისთვის საჭირო სივრცეებს ერთ ტერიტორიაზე აერთიანებს. 

ყოველდღიური კომფორტისთვის საზოგადოებრივ ტრანსპორტთან სიახლოვეც მნიშვნელოვანია. პროექტში ბინები სამგორის მეტროსთან ახლოს შენდება. მომავალი მობინადრეები გამწვანებულ გარემოში იცხოვრებენ, ყოველდღიური მგზავრობისას კი ავტომობილის ნაცვლად მეტროთი სარგებლობასაც შეძლებენ.

რეკრეაციული და სპორტული სივრცეების გარდა, პროექტში ყურადღება საცხოვრებელი კორპუსების ენერგოეფექტიანობასაც ექცევა. შენობები ენერგიის ეკონომიური მოხმარების გათვალისწინებით პროექტდება, ხოლო ბინები სრული რემონტით ბარდება და თითოეულ მათგანში ცენტრალური და იატაკის გათბობაა გათვალისწინებული. 

„მაქრო სითი თბილისის“ შესახებ მეტი ინფორმაციის მისაღებად დაინტერესებულ პირებს შეუძლიათ გაყიდვების ოფისს ეწვიონ ან ბინები ვირტუალური ტურის საშუალებით დაათვალიერონ.